Korleis skal Levanger kommune arbeide med Nasjonaljubileet 2030? Korleis kan frivilligheita i Levanger bidra i jubileet og styrke arbeidet sitt?
Levanger kommune og Trøndelag fylkeskommune inviterer alle interesserte til opent møte på Levanger bibliotek om Nasjonaljubileet 2030 og Levanger sitt arbeid med jubileet. Rita Ottervik og Anita Ravlo Sand har innlegg i starten, deretter kan alle komme med innspel om korleis Levanger skal markere Nasjonaljubileet 2030 og temaåra fram mot 2030.
Det er ulike tema kvart år som byggjer opp mot jubileumsåret. I 2026 er temaet «Slekt og samfunn», 2027 «Tilhøyrigheit», 2028 «Forteljingar om Noreg», 2029 «Folketradisjon» og i 2030 «Fellesskap». Jubileet sluttar i 2031, med markering av helgenkåringa av Heilag Olav.
Rita Ottervik er koordinator for Nasjonaljubileet 2030 i Trøndelag og kjem og snakkar om det, og korleis andre kommunar arbeider.
Ordførar Anita Ravlo Sand fortel om kommunen sitt arbeid så langt og prioriteringar fram mot 2030.
